વડોદરામાં જીયા’સ ડિઝાઈનર સ્ટુડિયોના બીજા ફ્લેગશિપ સ્ટોરનો શુભારંભ થયો

વડોદરા, માર્ચ ૨૦૨૬: એથનિક ફેશનમાં ૨૦ વર્ષનો ભવ્ય વારસો ધરાવતા ‘જીયા’સ ડિઝાઇનર સ્ટુડિયો’ દ્વારા વડોદરામાં તેના બીજા ફ્લેગશિપ સ્ટોરના ભવ્ય ઉદઘાટન સાથે વધુ એક મહત્વપૂર્ણ સિદ્ધિ હાંસલ કરવામાં આવી છે. આ નવો સ્ટોર બ્રાન્ડની સતત વૃદ્ધિ અને પ્રીમિયમ, હેન્ડક્રાફ્ટ કરેલા બ્રાઇડલ તથા ફેસ્ટિવ વેર પ્રદાન કરવાની લાંબા ગાળાની પ્રતિબદ્ધતાને પ્રતિબિંબિત કરે છે, જે પરંપરાગત વારસા અને આધુનિક શૈલીનો અદભૂત સમન્વય છે.

જીયા’સ ડિઝાઇનર સ્ટુડિયોના ફાઉન્ડર અને ડિઝાઇનર પુરબી પ્રજાપતિએ જણાવ્યું હતું કે, “વડોદરામાં અમારો બીજો સ્ટોર શરૂ કરવો એ અમારા માટે ગૌરવની ક્ષણ છે. અમારું લક્ષ્ય હંમેશા મહિલાઓને એવી ફેશન પ્રદાન કરવાનું રહ્યું છે જે પરંપરા અને આધુનિકતા વચ્ચે સુમેળ સાધે. આ નવો સ્ટોર પ્રીમિયમ કારીગરી અને વિશિષ્ટ ડિઝાઇન પ્રત્યેની અમારી પ્રતિબદ્ધતાનું પ્રતીક છે, અને અમને વિશ્વાસ છે કે અહીંનું કલેક્શન ફેશન પ્રેમીઓ દ્વારા ખૂબ જ પસંદ કરવામાં આવશે.”

પંચમ હાઈ સ્ટ્રીટ ખાતે બ્રાન્ડના નવા સ્ટોર પર આ લોન્ચિંગ સમારોહ યોજાયો હતો, જેમાં જાણીતી અભિનેત્રી જાનકી બોડીવાલાએ સ્થાપક અને ડિઝાઇનર પુરબી પ્રજાપતિ સાથે જોડાઈને જીયા’સ ડિઝાઇનર સ્ટુડિયોનું ઉદઘાટન કર્યું હતું. આ કાર્યક્રમ બ્રાન્ડની સફર અને કસ્ટમ-મેઇડ તથા ઝીણવટભરી કારીગરી દ્વારા એથનિક અને ટ્રેડિશનલ ફેશન ઉદ્યોગને નવી ઊંચાઈએ લઈ જવાના વિઝનને રજૂ કરવા માટે આયોજિત કરવામાં આવ્યો હતો. ઉપસ્થિત મહેમાનોએ ગુણવત્તાયુક્ત કારીગરી અને ટ્રેન્ડિંગ ફેસ્ટિવ ડિઝાઇન પર આધારિત નવા કલેક્શનનું અનાવરણ નિહાળ્યું હતું.

ભવ્ય ઉદઘાટનના ભાગરૂપે, સ્ટુડિયો દ્વારા હેન્ડક્રાફ્ટેડ કોટ્યુર ની એક વિશેષ શ્રેણી પ્રદર્શિત કરવામાં આવશે જે બ્રાન્ડની ફિલોસોફી “ક્રાફ્ટેડ વિથ હેરિટેજ, સ્ટાઇલ્ડ ફોર ટુડે” સાથે સુસંગત છે