November 16, 2026

ગ્રાન્ડ કોન્ટિનેન્ટ હોટેલ્સે સોમનાથમાં 34મી હોટેલ શરૂ કરી, તીર્થસ્થળોમાં વિસ્તરણ પર ભાર

સોમનાથ, ગુજરાત, 16 નવેમ્બર 2026: ગ્રાન્ડ કોન્ટિનેન્ટ હોટેલ્સ લિમિટેડે સોમનાથમાં તેની 34મી પ્રોપર્ટીનો શુભારંભ કર્યો છે. ગુજરાતમાં આ ગ્રુપની આ બીજી હોટેલ છે, જે ભારતના ધાર્મિક પ્રવાસન ક્ષેત્રમાં તેની ઉપસ્થિતિને વધુ મજબૂત બનાવે છે. દ્વારકામાં ગ્રુપની હાલની ઉપસ્થિતિ બાદ હવે રાજ્યના અન્ય એક અત્યંત મહત્વપૂર્ણ તીર્થધામ ખાતે આ નવી હોટેલ શરૂ કરીને ગ્રુપે પોતાની આતિથ્ય સેવાઓનો વિસ્તાર કર્યો છે.

ભગવાન શિવના પ્રથમ આદિ જ્યોતિર્લિંગ ગણાતા પવિત્ર સોમનાથ મંદિરની ભૂમિ તરીકે સોમનાથ અપાર ધાર્મિક અને સાંસ્કૃતિક મહત્વ ધરાવે છે. દેશભરમાંથી શ્રદ્ધાળુઓ અને પ્રવાસીઓ અહીં દર્શનાર્થે આવે છે, જેમાં ત્રિવેણી સંગમ, ભાલકા તીર્થ, ગીતા મંદિર અને દેહોત્સર્ગ તીર્થ જેવા સ્થળોનો પણ સમાવેશ થાય છે. આ સ્થળો વિસ્તારના ધાર્મિક અને સાંસ્કૃતિક વારસાનો મહત્વપૂર્ણ ભાગ છે, જ્યાં રોકાણ દરમિયાન પ્રવાસીઓને ઉત્તમ રહેવાની અને આતિથ્ય સુવિધાઓની જરૂર રહે છે.

સોમનાથમાં આ નવી હોટેલનો ઉમેરો ભારતના અગ્રણી તીર્થધામોમાં પોતાના પોર્ટફોલિયોનો વિકાસ કરવાની ગ્રાન્ડ કોન્ટિનેન્ટ હોટેલ્સની વ્યૂહરચનાનો એક ભાગ છે. આ ગ્રુપ હાલમાં દ્વારકા, રામેશ્વરમ અને તિરુપતિમાં હોટેલ્સનું સંચાલન કરે છે, જ્યારે આગામી સમયમાં અયોધ્યા, વારાણસી અને વૃંદાવનમાં નવી પ્રોપર્ટીઝ શરૂ કરવાની યોજના છે. તેમનું આ વિસ્તરણ તીર્થયાત્રા, સાંસ્કૃતિક પ્રવાસન અને લેઝર ટ્રાવેલ સાથે સંકળાયેલા બજારો પર ધ્યાન કેન્દ્રિત કરતા ‘ડેસ્ટિનેશન-લેડ’ અભિગમને દર્શાવે છે. સોમનાથની આ પ્રોપર્ટી દ્વારકામાં આવેલી હોટેલની સાથે ગુજરાતમાં ગ્રુપની ઉપસ્થિતિને વધુ સુદ્રઢ બનાવે છે.

આ શુભારંભ અંગે ટિપ્પણી કરતા ગ્રાન્ડ કોન્ટિનેન્ટ હોટેલ્સ લિમિટેડના સ્થાપક અને મેનેજિંગ ડિરેક્ટર શ્રી રમેશ શિવાએ જણાવ્યું હતું કે, “ભારતના હોસ્પિટાલિટી ક્ષેત્ર માટે ધાર્મિક પ્રવાસન એક મહત્વપૂર્ણ તક રજૂ કરે છે, પરંતુ આ સ્થળોએ સેવા આપવા માટે ત્યાં આવતા લોકો અને તેમની યાત્રા પાછળના હેતુઓને સમજવા જરૂરી છે. તીર્થયાત્રીઓ, પરિવારો અને લેઝર પ્રવાસીઓની અપેક્ષાઓ અલગ-અલગ હોય છે, અને દરેક સ્થળની ગરિમા જાળવી રાખીને આ જરૂરિયાતોને અનુરૂપ આતિથ્ય સેવાઓ પૂરી પાડવી જરૂરી છે. ગ્રાન્ડ કોન્ટિનેન્ટ હોટેલ્સમાં અમે સ્થાનની ઉપયોગિતા, સતત શ્રેષ્ઠ સેવા અને મહેમાનોની સુવિધાનો સમન્વય કરતી પ્રોપર્ટીઝ વિકસાવવામાં લાંબા ગાળાની સંભાવનાઓ જોઈએ છીએ. અમારો અભિગમ એક એવો પોર્ટફોલિયો તૈયાર કરવાનો છે જે ભારતના પ્રવાસન ક્ષેત્રની બદલાતી જરૂરિયાતોને પૂર્ણ કરે અને સાંસ્કૃતિક તથા આધ્યાત્મિક મહત્વ ધરાવતા સ્થળોએ યાદગાર આતિથ્ય અનુભવો પૂરા પાડે.”

આ હોટેલમાં છ કેટેગરીમાં કુલ 39 રૂમ ઉપલબ્ધ છે: ડીલક્સ કિંગ, ડીલક્સ ટ્વીન, ગ્રાન્ડ પ્રીમિયર સિટી, ગ્રાન્ડ પ્રીમિયર સી, ગ્રાન્ડ પ્રીમિયમ ટેમ્પલ અને ફેમિલી રૂમ્સ. આ વિવિધ વિકલ્પો એકલ પ્રવાસીઓ, યુગલો, પરિવારો અને યાત્રાળુઓના સમૂહ સહિત તમામ પ્રકારના મહેમાનોની જરૂરિયાતોને પૂર્ણ કરે છે.

આ પ્રોપર્ટીમાં ‘ફ્લેવર્સ’ નામની 52 બેઠકો ધરાવતી શુદ્ધ શાકાહારી મલ્ટી-કુઝિન રેસ્ટોરન્ટ છે, જ્યાં વિનંતી કરવા પર જૈન ભોજનના વિકલ્પો પણ ઉપલબ્ધ કરાવવામાં આવે છે. મીટિંગ્સ, કોન્ફરન્સ અને સામાજિક મેળાવડાઓ માટે ‘બ્લોસમ હોલ’ 1,050 ચોરસ ફૂટની બેન્ક્વેટ જગ્યા પૂરી પાડે છે. આ ઉપરાંત પાર્કિંગ અને ઇન્ટરનેટ એક્સેસ જેવી અન્ય સુવિધાઓ પણ ઉપલબ્ધ છે.

જીઆઈડીસી એસ્ટેટમાં સોમનાથ પાટણ રોડ પર સ્થિત આ હોટેલથી સોમનાથ મંદિર, ત્રિવેણી સંગમ, ભાલકા તીર્થ અને ગીતા મંદિર જેવા મુખ્ય આકર્ષણો સુધી સરળતાથી પહોંચી શકાય છે. તે સોમનાથ બસ સ્ટેન્ડથી આશરે 2 કિમી અને વેરાવળ રેલવે સ્ટેશનથી 5 કિમીના અંતરે આવેલી છે.

વર્ષ 2011માં શ્રી રમેશ શિવા દ્વારા સ્થપાયેલી ગ્રાન્ડ કોન્ટિનેન્ટ હોટેલ્સે બેંગલુરુની એકમાત્ર પ્રોપર્ટીથી શરૂઆત કરીને આજે સમગ્ર ભારત અને પસંદગીના આંતરરાષ્ટ્રીય બજારોમાં એક વિશાળ હોસ્પિટાલિટી નેટવર્ક ઊભું કર્યું છે. તેની પોર્ટફોલિયો વ્યૂહરચના બિઝનેસ, હેલ્થકેર, તીર્થયાત્રા અને લેઝર ડેસ્ટિનેશન્સ પર કેન્દ્રિત છે.