અમદાવાદમાં હોન્ડાના પ્રીમિયમ બિગ બાઇક્સ માટે નવું સરનામું

• CTM ક્રોસ રોડ ખાતે Honda BigWing CTM Cross Road શો-રૂમનું ભવ્ય ઉદ્ઘાટન ૨૮ નવેમ્બરે કરાયું

અમદાવાદ: હોન્ડા મોટરસાયકલ એન્ડ સ્કૂટર ઇન્ડિયા (HMSI) ગુજરાતમાં પોતાના પ્રીમિયમ બિગ બાઇક નેટવર્કનો વિસ્તાર કરી રહી છે. આ દિશામાં મહત્વનું પગલું ભરતાં અમદાવાદના CTM ક્રોસ રોડ ખાતે નવું Honda BigWing શો-રૂમ  શરૂ કર્યો છે.

આ અત્યાધુનિક શો-રૂમનું ઉદ્ઘાટન તા.28 નવેમ્બર,2025 (શુક્રવાર) એ કરાયું હતું.  ઉદ્ઘાટન સમારોહમાં હોન્ડા મોટરસાયકલ એન્ડ સ્કૂટર ઇન્ડિયા (HMSI) ના ઉચ્ચ અધિકારીઓ તથા શ્રી જયદીપભાઈ ત્રિવેદી, મેનેજિંગ ડિરેક્ટર, માનસી વિંગ્સ હોન્ડા ગ્રુપ ઉપસ્થિત રહ્યાં હતા અને શુભ હસ્તે શો-રૂમનું લોકાર્પણ કર્યું હતું.

શ્રી જયદીપભાઈ ત્રિવેદીએ જણાવ્યું હતું કે, “અમદાવાદ અને ગુજરાતના ગ્રાહકો હંમેશા ઉચ્ચ ગુણવત્તા અને ટેક્નોલોજીની સાથે પ્રીમિયમ અનુભવની અપેક્ષા રાખે છે. Honda BigWing દ્વારા અમે તેમની આ અપેક્ષાઓને પૂરી કરવા તૈયાર છીએ. ગુજરાતના બિગ બાઇક ઉત્સાહીઓને હવે પોતાના સપનાના બાઇક માટે બીજે શહેર જવું નહીં પડે.”

Honda BigWing શો-રૂમમાં હોન્ડાની સમગ્ર પ્રીમિયમ મોટરસાયકલ શ્રેણી ઉપલબ્ધ છે, જેમાં Gold Wing, CBR સિરીઝ, CB350 સિરીઝ તથા અન્ય શક્તિશાળી મોડેલ્સનો સમાવેશ થાય છે.  આ શો-રૂમ ગ્રાહકોને વિશ્વકક્ષાનું વાતાવરણ, ટેસ્ટ રાઇડની સુવિધા તેમજ પ્રીમિયમ સેલ્સ અને આફ્ટર-સેલ્સ સેવા પૂરી પાડે છે.