અનંત નેશનલ યુનિવર્સિટી દ્વારા ‘Mooo Fest’ નો પ્રારંભ: ફિલ્મ શિક્ષણ અને સર્જનાત્મક આદાન-પ્રદાનના ભવિષ્યને આકાર આપતું વૈશ્વિક પ્લેટફોર્મ

અમદાવાદ,27 નવેમ્બર: અનંત નેશનલ યુનિવર્સિટીએ વિદ્યાર્થીઓ અને ક્રિએટિવ એકેડેમિક્સ માટે ખાસ તૈયાર કરાયેલા ઇન્ટરનેશનલ મૂવિંગ ઈમેજ ફેસ્ટિવલ, ‘Mooo Fest’ (મૂ ફેસ્ટ) ના શુભારંભની ઘોષણાકરી છે. આ પાંચ દિવસીય શૈક્ષણિક કાર્યક્રમ વિદ્યાર્થીઓ હોરિઝોન્સને વિસ્તૃત કરવા અને તેમને સિનેમા તથા મૂવિંગ ઈમેજ પ્રેક્ટિસની વૈશ્વિક અને ભવિષ્યલક્ષી સમજ પૂરી પાડવાની અનંતની પ્રતિબદ્ધતામાં એક મહત્વપૂર્ણ સીમાચિહ્નરૂપ છે.

લાઈવ-એક્શન ફિલ્મમેકિંગ, એનિમેશન, સાઉન્ડ ડિઝાઈન, ટેક્સ્ટ-આધારિત સ્ટોરીટેલિંગ અને ઉભરતી મીડિયા ટેક્નોલોજી દ્વારા, Mooo Fest 1.0 વિદ્યાર્થીઓ માટે એક ઇમર્સિવ (તલ્લીન કરી દેનારો) અને પરિવર્તનકારી શીખવાનો અનુભવ પ્રદાન કરે છે. આ ફેસ્ટિવલ વિદ્યાર્થીઓને સિનેમાને માત્ર મનોરંજન ન ગણતા, સર્જનાત્મક અભિવ્યક્તિ અને ટેક્નોલોજીના મિશ્રણ વાળી એક વિકસતી ભાષા તરીકે જોવા પ્રોત્સાહિત કરે છે.

ફેસ્ટિવલ માટે યુનિવર્સિટીના વિઝનને શેર કરતા, અનંત નેશનલ યુનિવર્સિટીના સ્કૂલ ઓફ ડિઝાઈનના મૂવિંગ ઈમેજ પ્રોગ્રામ લીડ અને પ્રોફેસર શેખર મુખર્જીએ કહ્યું, “Mooo Fest એ સર્જનાત્મકતા, જિજ્ઞાસા અને સહયોગનો ઉત્સવ છે. તે વિદ્યાર્થીઓની મૂવિંગ ઈમેજ પ્રત્યેની સમજને ઊંડી બનાવે છે અને તેમને ઝડપથી બદલાતા સિનેમેટિક અને મીડિયા ઉદ્યોગો માટે તૈયાર કરે છે. અમારા કેમ્પસમાં વૈશ્વિક દ્રષ્ટિકોણ લાવીને, આ ફેસ્ટિવલ વિદ્યાર્થીઓના વિશ્વ વિશેના વિચારોને સમૃદ્ધ બનાવે છે જ્યારે તેમની પ્રેક્ટિસને મૂળભૂત સંદર્ભ સાથે જોડી રાખે છે.”

આ ઉદ્ઘાટન આવૃત્તિમાં ભારત અને વિશ્વભરના અગ્રણી કલાકારો, શિક્ષણવિદો અને પ્રેક્ટિશનર્સ ભાગ લઈ રહ્યા છે. જેમાં લિથુઆનિયાના વિલએએ (VilAA) ના ઇન્ટરડિસિપ્લિનરી આર્ટિસ્ટ ગેઈલ સિજુનાઈટીટ (Gailė Cijūnaitytė); લિથુઆનિયાની વિલ્નિયસ એકેડેમી ઓફ આર્ટસના એસોસિયેટ પ્રોફેસર ગિન્ટારે વાલેવિચુટે બ્રાઝૌસ્કીન (Gintarė Valevičiūtė Brazauskienė); જર્મનીના KHM ના એનિમેશન ડિરેક્ટર પ્રો. ઇસાબેલ હર્ગ્યુરા; સાઉન્ડ ડિઝાઈનર પ્રો. હંસ કોચ; ટોક્યોના કસ્ટમ નટ્સ સ્ટુડિયોના સ્થાપક સિલાસ હિકી; એવોર્ડ વિજેતા એનિમેટર વૈભવ કુરેશ; સ્વિટ્ઝર્લેન્ડના વિઝ્યુઅલ આર્ટિસ્ટ ફ્રાન્કોઈસ ચેલેટ; મુંબઈના ટ્રિપ ક્રિએટિવ સર્વિસના સ્થાપક પ્રતિક સેઠી અને જર્મનીના માસ્ટર વિદ્યાર્થીઓનો સમાવેશ થાય છે. તેમની સહભાગિતા Mooo Fest ને વિચારો, પદ્ધતિઓ અને કલાત્મક અભિગમોના જીવંત વૈશ્વિક આદાન-પ્રદાનમાં પરિવર્તિત કરે છે.

અનંતના આંતરરાષ્ટ્રીય શૈક્ષણિક ભાગીદારો સાથેના વર્તમાન સંબંધોને વધુ મજબૂત બનાવતા, આ ફેસ્ટિવલ સહયોગને ગાઢ બનાવવા અને ફિલ્મ નિર્માણ કેવી રીતે શીખવવું અને શીખવું તે પુનઃવ્યાખ્યાયિત કરવા માટેનું એક પ્લેટફોર્મ બની રહ્યું છે. વૈશ્વિક નિષ્ણાતો દ્વારા આયોજિત વર્કશોપ, સમકાલીન અને ઉભરતી પદ્ધતિઓ પર પેનલ ડિસ્કશન્સ, વિશ્વભરની ફિલ્મોના સ્ક્રીનિંગ અને વિદ્યાર્થીઓ, ફેકલ્ટી અને ફિલ્મ નિર્માતાઓ વચ્ચેના અનૌપચારિક વાર્તાલાપ દ્વારા, Mooo નિરીક્ષણ, જોડાણ, વિવેચન અને સર્જનની એક સતત પ્રક્રિયા (Continuous loop) ઊભી કરે છે.

Mooo તેના આયોજનમાં ઈન્ટેલેક્ચ્યુઅલ ડેપ્થ પણ લાવે છે. તે સ્વીકારે છે કે દ્રશ્યો અને અવાજે પ્રારંભિક સભ્યતાઓથી માનવ અનુભવને આકાર આપ્યો છે. આજના ડિજિટલ યુગમાં, જે કદાચ માનવ ઇતિહાસનો સૌથી વધુ રેકોર્ડ અને દસ્તાવેજીકરણ થયેલો સમયગાળો છે, ત્યારે મૂવિંગ ઈમેજ કોમ્યુનિકેશન, કલ્ચર અને કેલેક્ટિવ મેમરીને આકાર આપવામાં મહત્વની ભૂમિકા ભજવે છે. વિદ્યાર્થીઓના શિક્ષણને આ વ્યાપક ઐતિહાસિક અને સામાજિક સંદર્ભમાં મૂકીને, ફેસ્ટિવલ મૂવિંગ ઈમેજને કલાત્મક અભિવ્યક્તિ અને એક મહત્વપૂર્ણ સમકાલીન ભાષા બંને તરીકે સ્થાપિત કરે છે.

આ ફેસ્ટિવલ અનંતની સ્થાનિક સંદર્ભમાં રહીને વૈશ્વિક સ્તરે સુસંગત એવું સર્વગ્રાહી શિક્ષણ (Holistic learning) વાતાવરણ પૂરું પાડવાની પ્રતિબદ્ધતા દર્શાવે છે. ભવિષ્યના પડકારો અને તકો માટે સજ્જ ‘સોલ્યુશનરીઝ’ (ઉકેલ લાવનારાઓ) તૈયાર કરવાના અનંતના મિશનને વળગી રહીને, આ ફેસ્ટિવલ ઉદ્યોગના અગ્રણીઓ, શિક્ષણવિદો,

સંશોધકો, વિદ્યાર્થીઓ અને અનંત સમુદાયને એક મંચ પર લાવે છે જેથી મૂવિંગ ઈમેજની ઉજવણી કરી શકાય, જ્ઞાન વહેંચી શકાય અને સર્જનાત્મક તપાસને આગળ વધારી શકાય.

આ ઉદ્ઘાટન આવૃત્તિ સાથે, અનંત એક ભવિષ્યલક્ષી, નવીનતા-સંચાલિત યુનિવર્સિટી તરીકેની તેની ભૂમિકાને પુનઃપુષ્ટ કરે છે, જે સર્જનાત્મકતાને પોષે છે, પ્રયોગોને પ્રોત્સાહિત કરે છે અને વિદ્યાર્થીઓને ઝડપથી વિકસતા સિનેમેટિક અને મીડિયા લેન્ડસ્કેપ સાથે અર્થપૂર્ણ રીતે જોડાવા માટે સશક્ત બનાવે છે.