સ્વિસ આર્ટિસ્ટ એવલિન બ્રેડર -ફ્રેન્કે બીસ્પોક આર્ટ ગેલેરીના લાઈવ પેઈન્ટીંગ સેશનમાં દર્શકોને મંત્રમુગ્ધ કર્યા

અમદાવાદ. 26 ફેબ્રુઆરી : અમદાવાદમાં કલાપ્રેમીઓ બીસ્પોક આર્ટ ગેલેરીમાં આયોજિત અનોખા લાઈવ પેઈન્ટીંગ સેશનથી  મંત્રમુગ્ધ થઈ ગયા, જેમાં પ્રસિદ્ધ સ્વિસ- કેનેડિયન શિલ્પકાર એવલીને

બ્રેડર -ફ્રેન્કે પોતાની કલા દર્શાવી. પોતાની અનોખી કલાત્મક વિચારધારા “સાચી કલા સાદગીમાં વસે છે” પ્રસ્તુત કરતા, એવલિન

એ પોતાની રચનાત્મક પ્રક્રિયાને જીવંત બનાવી, જ્યાં તેઓએ  ચારકોલ સ્કેચને આકર્ષક મિનિમલિસ્ટિક શિલ્પોમાં રૂપાંતરિત કરી, જેનાથી દર્શકો મોહિત થઈ ગયા.

બીસ્પોક આર્ટ ગેલેરીના સ્થાપક દેવિન ગવારવાલાએ જણાવ્યું હતું કે, ““આ લાઇવ પેઇન્ટિંગ સેશન સૌ માટે એક અનોખો અને યાદગાર અનુભવ હતો, કારણ કે આવું કંઈ પહેલાં ક્યારેય થયું નથી. એવલિન જેવા પ્રતિષ્ઠિત કલાકારને કામ કરતાં જોવા માટેની તક અત્યંત દુર્લભ છે, અને આ અનુભવ ખરેખર અદભૂત રહ્યો. આ ઇવેન્ટ અમને અમદાવાદમાં અગ્રણી કલાકારો અને વિશિષ્ટ કલાત્મક અનુભવ લાવવાનો સંકલ્પ દર્શાવે છે અને ભવિષ્યના કલાકારોને પ્રેરણા આપવાની અમારી પ્રતિબદ્ધતા દર્શાવે છે.”

આ અવસરે મુખ્ય અતિથિ તરીકે વિખ્યાત ઉદ્યોગસાહસિક દંપતી મૃગેશ જયકૃષ્ણ અને પારુ જયકૃષ્ણ હાજર રહ્યા. વ્યવસાય અને પરોપકાર ક્ષેત્રે તેમના વિશિષ્ટ યોગદાન માટે ઓળખાતા, આ દંપતીએ ગુજરાતમાં ઉદ્યોગસાહસિકતા અને સાંસ્કૃતિક સંરક્ષણને પ્રોત્સાહન આપવામાં મહત્ત્વપૂર્ણ ભૂમિકા ભજવી છે. આ ઇવેન્ટમાં તેમની ઉપસ્થિતિએ કલા પ્રતિભાને પ્રોત્સાહન આપવાની મહત્વતા ઉજાગર કરી. આ સેશનમાં પ્રખ્યાત લેખિકા રક્ષા ભારડિયા અને પ્રખ્યાત ડિઝાઇનર પૂર્વી દોશી પણ હાજર હતા.

આ વિશિષ્ટ ઇવેન્ટે એવલિનની કલાત્મક પ્રભુત્વની ક્યારેક જ જોવા મળે તેવી દુર્લભ  અને આંતરિક ઝલક પ્રદાન કરી. સીએનઆર્ટ્સ, નિરમા અને સ્કાયબ્લ્યૂ જેવી પ્રખ્યાત ડિઝાઇન અને આર્કિટેક્ચર સંસ્થાઓના વિદ્યાર્થીઓ સહિતના ભાગ લેનારોએ આશ્ચર્ય સાથે નિહાળ્યું કે કેવી રીતે એવલિન  જટિલ આકૃતિઓને પાવરફુલ અને સુંદર શિલ્પોમાં પરિવર્તિત કરે છે, જે કલામાં સાદગીની સુંદરતા દર્શાવે છે. રફ સ્કેચને અભિવ્યક્તિશીલ શિલ્પોમાં રૂપાંતરિત કરવાની પ્રક્રિયાએ દર્શકોને પ્રેરિત અને ગહન રીતે સ્પર્શિત કર્યા.

અમદાવાદમાં એવલિનનું આ પ્રથમ એક્ઝિબિશન હતું, જેના કારણે આ ઈવેન્ટ શહેરની કલા સમુદાય માટે એક મહત્વપૂર્ણ ક્ષણ બની. કેનેડા અને સ્વિટ્ઝર્લેન્ડની અગ્રણી ગેલેરીઓમાં પ્રદર્શિત એવલિનની આંતરરાષ્ટ્રીય ખ્યાતિપ્રાપ્ત શિલ્પોએ તેમને એક એવી પ્રતિભા તરીકે સ્થાપિત કર્યા છે, જેમાં પુરુષ અને સ્ત્રી આકૃતિઓ પથ્થરના સ્વરૂપમાંથી સહજ રીતે જન્મતી હોય તેમ લાગતી હોય. લાઇવ સેશન દ્વારા દર્શકોને તેમની કલાત્મક દૃષ્ટિને વાસ્તવમાં સાકાર થતી જોવા માટે એક અનોખી તક મળી, જે એક આવશ્યક અને અવિસ્મરણીય અનુભવ સાબિત થયો.

આ લાઇવ પેઇન્ટિંગ સેશન વિશાળ “ગ્લોબલ ટ્રેઝર્સ” પ્રદર્શનનો એક ભાગ છે, જે દેવિન ગવારવાલા દ્વારા ક્યુરેટ કરવામાં આવ્યું છે અને જે 26 ફેબ્રુઆરીથી 10 એપ્રિલ સુધી બીસ્પોક આર્ટ ગેલેરી ખાતે જોવા મળશે. ભારતના કલાત્મક લેન્ડસ્કેપને સમૃદ્ધ બનાવવાના ઉદ્દેશ્ય સાથે, આ ગેલેરી એક સાંસ્કૃતિક કેન્દ્ર તરીકે સેવા આપે છે, જે ઉભરતા અને સ્થાપિત કલાકારો વચ્ચે સંવાદ અને સહયોગને પ્રોત્સાહન આપવા માટે એક સુવ્યવસ્થિત પ્લેટફોર્મ પૂરું પાડે છે.

ત્રીજી પેઢીના ઉદ્યોગસાહસિક દેવિન ગવારવાલા માને છે કે ભારતીય ઉપખંડના સમૃદ્ધ કલા વારસા અને સંસ્કૃતિમાં વૈશ્વિક સ્તરે અપાર સંભાવનાઓ રહેલી છે. તેઓ કલાકારો અને કલા પ્રેમીઓના સમુદાયો સાથે વ્યૂહાત્મક ભાગીદારી સ્થાપિત કરી રહ્યા છે. દેવિન તેમના કૌટુંબિક વ્યવસાય, રબર કિંગ ટાયરમાં સક્રિયપણે સામેલ છે, અને બીસ્પોક મેટ્રિમોનીના સ્થાપક પણ છે, જે એક ઓનલાઈન પ્લેટફોર્મ છે જે મેચમેકિંગ સેવાઓ પ્રદાન કરે છે.

સિંધુ ભવન રોડ પર સ્થિત,બીસ્પોક આર્ટ ગેલેરી  તેના શાંત પ્રદર્શન સ્થળો, વિશાળ આર્ટ લાઇબ્રેરી અને સુંદર રીતે ડિઝાઇન કરાયેલા આઉટડોર લેન્ડસ્કેપ  માટે જાણીતી છે જે શિલ્પોના પ્રદર્શનને વધુ પ્રભાવશાળી બનાવે છે. આ ગેલેરી કલા શોધ માટે એક જીવંત પ્લેટફોર્મ પૂરું પાડે છે, જેમાં ચર્ચાઓ અને સ્ક્રીનીંગ માટે એમ્ફીથિયેટર, મીટિંગ રૂમ અને કાફે જેવી સુવિધાઓ છે, જે તેને અમદાવાદના સાંસ્કૃતિક મુખ્ય પ્રવાહનો એક અભિન્ન ભાગ બનાવે છે. આંતરરાષ્ટ્રીય ક્યુરેટરના નેતૃત્વમાં અને સમર્પિત ટીમ દ્વારા સમર્થિત, આ ગેલેરી વિવિધ કલાકારો અને કલા પ્રેમીઓ માટે એક મહત્વપૂર્ણ કેન્દ્ર બની ગઈ છે અને શહેરના સમૃદ્ધ કલા દ્રશ્યમાં પ્રભાવશાળી ભૂમિકા ભજવે છે.