HYBE INDIA નેક્સ્ટ-જનન ગ્લોબલ સ્ટાર્સની શોધમાં ઓડિશન શરૂ કરશે

ટેલેન્ટ શોધવાના આ ઐતિહાસિક અભિયાનના પ્રથમ ચરણ માટે પોસ્ટર અને લોન્ચ વીડિયો રિલીઝ કરવામાં આવ્યા

માર્ચ, ૨૦૨૬ – HYBE INDIA એ આજે ‘HYBE INDIA Audition’ શરૂ કરવાની જાહેરાત કરી છે. આ પહેલ HYBE ના વૈશ્વિક કલાકાર શોધવાના અભિયાનનો એક ભાગ છે, જે ભારતની પ્રતિભાશાળી ઇકોસિસ્ટમમાં HYBE ના સત્તાવાર પ્રવેશને સૂચવે છે.

HYBE ની વિશ્વભરમાં સફળ થયેલી ‘મલ્ટી-હોમ, મલ્ટી-જોનર’ સ્ટ્રૈટજી મુજબ, HYBE INDIA હવે આંતરરાષ્ટ્રીય સ્તરે સફળ કલાકારોને તૈયાર કરવાની તેની ખાસ પદ્ધતિને ભારત માટે અપનાવશે.૨૧મી સદીના પોપ આઈકોન્સ BTS અને ગ્લોબલ ગર્લ ગ્રુપ KATSEYE જેવા પ્રખ્યાત કલાકારોને તૈયાર કરવાના અનુભવ સાથે, કંપની હવે આગામી પેઢીના ગ્લોબલ સ્ટાર્સને શોધવા અને વિકસાવવા માટે ભારત પર ધ્યાન કેન્દ્રિત કરી રહી છે.

HYBE INDIA Audition નો મુખ્ય હેતુ ભારત અને વિદેશમાં વસતા ભારતીયો (Indian diaspora) માંથી ઉભરતી સંગીત પ્રતિભાઓને શોધવાનો છે. HYBE INDIA પસંદ કરાયેલા ઉમેદવારોને કંપનીની વિશ્વ-સ્તરીય ટ્રેનિંગ અને પ્રોડક્શન સિસ્ટમમાં જોડાવાની એક દુર્લભ તક આપશે. ક્રિએટિવ ડેવલપમેન્ટ, પર્ફોર્મન્સ ટ્રેનિંગ અને ગ્લોબલ સ્ટોરીટેલિંગના સંગમ સાથે, આ પ્રોગ્રામ એવા કલાકારોને તૈયાર કરવા માટે બનાવવામાં આવ્યો છે જે વૈશ્વિક મંચ પર ભારતનું પ્રતિનિધિત્વ કરી શકે.

મૂળભૂત રીતે, આ પ્રયાસ ભારતીય યુવાનોની ગતિશીલ ક્ષમતામાં HYBE INDIA ના વિશ્વાસને દર્શાવે છે. તેનો વિઝન ભારતીય સંગીત અને મનોરંજનની આગામી પેઢીને આકાર આપવાનો છે—જેમાં સ્થાનિક પ્રતિભા અને વૈશ્વિક નિપુણતાનો સમન્વય હશે. આ પહેલ વિશ્વભરના ઉભરતા કલાકારોને વૈશ્વિક શ્રેષ્ઠતા તરફ સશક્ત બનાવવાના HYBE ના વ્યાપક વિઝનનો એક ભાગ છે. ઓફિશિયલ પોસ્ટરની સાથે રજૂ કરવામાં આવેલો લોન્ચ વીડિયો, પ્રતિભાની આ સફર અને વૈશ્વિક મંચ પર ડગ માંડવાના શક્તિશાળી આહવાનને રજૂ કરે છે.

આ ઓડિશન ઓનલાઇન અને ઓફલાઇન એમ બંને રીતે લેવામાં આવશે. રૂબરૂ (In-person) ઓડિશન ભારતના મુખ્ય શહેરોમાં યોજાશે, જેમાં અમદાવાદ, બેંગલુરુ, ચંદીગઢ, ચેન્નાઈ, દિલ્હી, ગુવાહાટી, હૈદરાબાદ, કોલકાતા, મુંબઈ અને પુણેનો સમાવેશ થાય છે.

આ ઓડિશનમાં H&M, શોપર્સ સ્ટોપ (Shoppers Stop), સેમસંગ (Samsung) અને નોંગશિમ (Nongshim) જેવી અગ્રણી ગ્લોબલ અને નેશનલ બ્રાન્ડ્સ સહયોગી તરીકે જોડાશે. સ્નેપચેટ (Snapchat) મીડિયા પાર્ટનર તરીકે અને બુકમાયશો (BookMyShow) ટિકિટિંગ પાર્ટનર તરીકે જોડાશે. આ ભાગીદારી દ્વારા ગ્રાઉન્ડ ઈવેન્ટ્સ, રિટેલ એન્ગેજમેન્ટ અને ડિજિટલ માધ્યમો દ્વારા યુવા પ્રેક્ષકો માટે ઓડિશનની આ સફરને વધુ રોમાંચક અને સુલભ બનાવવામાં આવશે.

ઓડિશનનો સમયગાળો, એલિજબિલિટી અને ભાગ લેવા માટેના નિયમો વિશેની વધુ વિગતો ટૂંક સમયમાં HYBE INDIA ના સત્તાવાર પ્લેટફોર્મ પર જાહેર કરવામાં આવશે.