‘ધ ફેમિલી મેન’ અને ‘પાતાલ લોક’ ફેમ ગુલ પનાગે મહિલાઓ સામેના સૌથી મોટા ફિટનેસ પડકાર પર પ્રકાશ પાડ્યો

ગુલ પનાગે દરરોજ શારીરિક પ્રવૃત્તિને આદત બનાવવાની હિમાયત કરી; HDOR – 100 ડેઝ ઑફ રનિંગ 10 ઑક્ટોબર, 2026થી ફરી શરૂ થશે

ગુલ પનાગે ‘ધ ફેમિલી મેન’ અને ‘પાતાલ લોક’ સહિતના વિવિધ પ્રોજેક્ટ્સમાં પોતાના વૈવિધ્યસભર અભિનય માટે પ્રશંસા મેળવી છે. ફિલ્મો અને સ્ટ્રીમિંગ પ્લેટફોર્મ્સ પરના તેમના કામે તેમને એવી અભિનેત્રી તરીકે સ્થાપિત કરી છે, જે સહજતાથી વિવિધ અને પ્રભાવશાળી ભૂમિકાઓ ભજવે છે. અભિનય ઉપરાંત, ગુલ લાંબા સમયથી ફિટનેસ અને સક્રિય જીવનશૈલી પ્રત્યેની તેમની પ્રતિબદ્ધતા માટે જાણીતા છે. ફિટનેસ પ્રત્યે ઉત્સાહી અને સ્વસ્થ જીવનશૈલીના સમર્થક તરીકે, તેઓ લોકોને શારીરિક પ્રવૃત્તિ અને વેલનેસ (સ્વાસ્થ્ય)ને તેમના દૈનિક જીવનનો અભિન્ન હિસ્સો બનાવવા માટે સતત પ્રેરિત કરતાં રહે છે. HDOR સાથેનું તેમનું જોડાણ ફિટનેસને સરળતાથી અપનાવી શકાય તેવી, નિયમિત અને લાંબા સમય સુધી જાળવી શકાય તેવી બનાવવાની તેમની માન્યતા દર્શાવે છે.

મહિલાઓ માટેના સૌથી મોટા ફિટનેસ પડકાર વિશે ગુલ પનાગે શું કહ્યું

ફિટનેસના મામલે મહિલાઓ સામે આવતા સૌથી મોટા અવરોધ વિશે વાત કરતાં ગુલ પનાગે કહ્યું, “મહિલાઓ માટે સૌથી મોટો ફિટનેસ પડકાર સમય કાઢવાનો છે. આપણે સતત અનેક જવાબદારીઓ સંભાળતા રહીએ છીએ અને ફિટનેસ ઘણીવાર આપણી પ્રાથમિકતાઓની યાદીમાં સૌથી છેલ્લે રહી જાય છે. HDOR જેવી પહેલ આ માનસિકતા બદલવાની દિશામાં એક નાનકડી શરૂઆત છે. તમે આખા વર્ષ દરમિયાન 100 દિવસ સુધી શારીરિક પ્રવૃત્તિ કરો છો, સાયકલ ચલાવો છો, દોડો છો અથવા ચાલો છો અને એક ટકાઉ આદત વિકસાવો છો.”

ગુલએ ભારપૂર્વક જણાવ્યું કે ફિટનેસ માટે જટિલ વર્કઆઉટ રૂટિન અથવા ખૂબ વધારે સમયની જરૂર હોતી નથી. નાના અને નિયમિત પ્રયાસો લોકોને તેમના દૈનિક જીવનમાં શારીરિક પ્રવૃત્તિનો સમાવેશ કરવામાં અને ફિટનેસને તેમની દિનચર્યાનો ટકાઉ હિસ્સો બનાવવામાં મદદ કરી શકે છે.

HDOR વિશે વાત કરતાં પ્રોકેમ (Procam)ના સંયુક્ત મેનેજિંગ ડિરેક્ટર શ્રી વિવેક સિંહે કહ્યું, “100 ડેઝ ઑફ રનિંગ (HDOR) સાથે અમારું વિઝન દરેક વ્યક્તિ માટે, તેમની ઉંમર કે ફિટનેસનું સ્તર ગમે તે હોય, ફિટનેસને સરળતાથી અપનાવી શકાય તેવી, સર્વસમાવેશક અને હાંસલ કરી શકાય તેવી બનાવવાનું છે. ભારતમાં દોડવાની સંસ્કૃતિ ઝડપથી વિકસી રહી હોવા છતાં, અમે એ પણ સમજીએ છીએ કે સંગઠિત રેસ ક્યારેક એવા લોકો માટે ડરામણી લાગી શકે છે, જેઓ હમણાં જ પોતાની ફિટનેસ યાત્રા શરૂ કરી રહ્યા છે. HDOR એક સરળ શરૂઆત કરવાની તક આપે છે, જે લોકોને પોતાની ગતિએ ચાલવા, દોડવા અથવા સાયકલ ચલાવવા અને ધીમે ધીમે તેમના દૈનિક જીવનમાં નિયમિતતા લાવવા માટે પ્રોત્સાહિત કરે છે. અમારું માનવું છે કે નાના અને નિયમિત પગલાં જીવનશૈલીમાં અર્થપૂર્ણ પરિવર્તન લાવી શકે છે અને વધુ સ્વસ્થ તથા સક્રિય ભારતના નિર્માણમાં મદદ કરી શકે છે.”

ફિટનેસને દૈનિક આદત બનાવવી

HDORનું નવું ફોર્મેટ સહભાગીઓને તેમના વર્તમાન ફિટનેસ સ્તરને ધ્યાનમાં લીધા વિના, તેમની દૈનિક દિનચર્યાના ભાગરૂપે ચાલવા-ફરવા અથવા કોઈ શારીરિક પ્રવૃત્તિ કરવા માટે પ્રોત્સાહિત કરે છે. સહભાગીઓ દોડવા, ચાલવા અથવા સાયકલ ચલાવવા પૈકી કોઈપણ પ્રવૃત્તિ પસંદ કરી શકે છે, જેથી તેઓ પોતાની ગતિએ તેમાં ભાગ લઈ શકે.

દિવાળી નજીક આવી રહી છે ત્યારે, ગુલએ લોકોને પરંપરાગત ભેટોથી આગળ વધીને પરિવારજનો અને મિત્રો માટે HDOR સબ્સ્ક્રિપ્શન ભેટ આપવાનો વિચાર કરવા માટે પણ પ્રોત્સાહિત કર્યા.

તેમણે વધુમાં કહ્યું, “આ તહેવારોની મોસમમાં મીઠાઈઓ અને પરંપરાગત ભેટોની સાથે, શા માટે કોઈને સ્વસ્થ જીવનશૈલી તરફ પોતાનું પ્રથમ પગલું ભરવાની તક ભેટમાં ન આપવી? HDOR સબ્સ્ક્રિપ્શન એ કોઈ એવી વ્યક્તિને, જેની તમે કાળજી રાખો છો, શારીરિક પ્રવૃત્તિ શરૂ કરવા અને ફિટનેસને આદત બનાવવા માટે પ્રોત્સાહિત કરવાની એક સરળ રીત બની શકે છે.”

HDOR ચેલેન્જ કેવી રીતે કાર્ય કરે છે:

• લવચીક શારીરિક પ્રવૃત્તિ: સહભાગીઓ દરરોજ ઓછામાં ઓછું 2.5 કિમી દોડી અથવા ચાલી શકે છે, અથવા 8 કિમી સાયકલ ચલાવી શકે છે.

• આરામના દિવસોની સુવિધા: સહભાગીઓ ‘ફિનિશર’નો દરજ્જો મેળવવા માટે 100 દિવસ દરમિયાન નિર્ધારિત સક્રિય પ્રવૃત્તિ પૂર્ણ કરી શકે છે, જેથી તેમને તેમની દૈનિક દિનચર્યા અનુસાર લવચીકતા મળે છે.
• સરળ ટ્રેકિંગ: પ્રવૃત્તિઓ સીધી HDOR એપ દ્વારા નોંધાવી શકાય છે અથવા લોકપ્રિય ફિટનેસ વેરેબલ્સ (સ્માર્ટવૉચ/બૅન્ડ) સાથે સિંક કરી શકાય છે.

• સરળ નોંધણી: પ્રવેશ પૅકેજની શરૂઆત ₹599થી થાય છે.

ઇવેન્ટની સમયમર્યાદા:

• શરૂઆતની તારીખ: 10 ઑક્ટોબર, 2026

• અંતિમ તારીખ (100મો દિવસ): 17 જાન્યુઆરી, 2027

• પ્લેટફોર્મ: HDOR એપ (ગૂગલ પ્લે સ્ટોર અને એપલ એપ સ્ટોર પર ઉપલબ્ધ)